Exaltáta est Virgo María super omnes cælos; veníte, omnes: magnificémus Christum regem, cuius regnum est ómnium sæculórum.
Auróra velut fúlgida,
ad cæli meat cúlmina
ut sol María spléndida,
tamquam luna pulchérrima.
Regína mundi hódie
thronum conscéndit glóriæ,
illum eníxa Fílium
qui est ante lucíferum.
Assúmpta super ángelos
omnésque choros cælitum,
cuncta sanctórum mérita
transcéndit una fémina.
Quem fóverat in grémio,
locárat in præsépio,
nunc regem super ómnia
Patris videt in glória.
Pro nobis, Virgo vírginum,
tuum depósce Fílium,
per quam nostra suscéperat,
ut sua nobis præbeat.
Sit laus Patri cum Fílio
et Spíritu Paráclito,
qui te præ cunctis cælica
exornavérunt glória. Amen.
Oremus:
Omnípotens sempitérne Deus, qui immaculátam Vírginem Maríam, Fílii tui Genetrícem, córpore et ánima ad cæléstem glóriam assumpsísti, concéde, quæsumus, ut, ad supérna semper inténti, ipsíus glóriæ mereámur esse consórtes. Per Dóminum Nostrum Iesum Christum, Filium tuum, qui Tecum vivit et regnat in unitate Spiritus Sancti, Deus, per omnia saecula saeculorum. Amen.
Ex Voto
+T.
2 comentarios:
Para los curas que tienen ciencia de saber muy bien está todo; para los que son como yo de poca sapiencia pues que al repetir como los loros llegue al Cielo.
Wonderful prayer, in Latin.......once upon a time there was a Pope who celebrated a Mass of Assumption in Castelgandolfo, many, many years ago, as long as I can remember......I'm getting old.....a Holy Feast of the Assumption, dear Father Terzio, may the Holy Virgin protect us from evil. God bless+
Publicar un comentario